Wikileaks aferari buruzko albiste laburra

Pirritx, Porrotx, Marimototx eta Olentzeroren Gabonetako agurra

Albiste laburra Skype-i buruz

Egilea: Eneritz Arzallus

AMAIURKO GAZTELUA

Hona hemen Amaiurko Gazteluari buruz eginiko dokumental laburra, Ane Lusarreta eta Eneritz Arzallusen eskutik.

Gonzalo Martinen konferentzia Web TV-ri buruz

Telebista publikoen hipokrisiaz

Ondoko artikulu hau Gorka Palazioren blogetik hartua da, hona hemen lotura: www.palazio.org

Orain dela gutxi Web TV izeneko mintegia antolatu du EHUko irakasle talde batek ikusentzunezkoen egungo egoeraz eta geroaz gogoeta egiteko. Espainiako telebista publiko batzuetako arduradunek aukera izan dute mintegian beren proiektuak erakusteko eta gogoeta egiteko, baita unibertsitate irakasle zenbaitek ere. Nahiz eta ekoizle txikien ordezkaririk ez nuen ikusi eta hori tamalgarria izan, oro har interesgarria izan zen bertan esan zena, batez ere Lurreko Telebista Digitalaz eta LTDrako egiten diren edukiei buruz. Interneteko IPTBz eta P2P telebistari buruz, aldiz, oso gutxi hitz egin zen. Guztion diruaz kudeatzen diren telebista publikoek ekoizten dituzten edukien lizentzia moten gainean ere hitz bat ere ez, gabezia nabarmena izanik. Azken honen inguruan nik aukerarik ez nuen eduki horixe galdetzeko, hau da, nola antolatuko duten hemendik aurrera EITBn lizentzien kontua. Orain arte, hedabideak aro analogikoan copyrightarekin bizi izan dira eroso eta inolako gogoeta egin gabe. Baina, Interneteko Web 2.0 iraultzarekin premiazkoa bilakatu da galdera horri erantzutea. Domeinu Publikotik Copyright-eraino, Creative Commons lizentzietatik pasatuz, zergatik ez dute lizentzia libreen aldeko politikarik EITBko arduradunek. Ulergarria al da, EITB kontsideratzea enpresa pribatua bailitzan. Herritarrok ezin al dugu eskubiderik ukan gure diruaz EITBk ekoizten dituen edukiak erabiltzeko eta berrerabiltzeko. Telebista Publikoetako baten ahotik atera zen 'enpresa' hitza bere erakunde publikoa izendatzeko. Lapsusa ote? Zilegi al da hainbeste kobratzea EITBk merkaturatzen dituen produktuetan? Ezin da politika aldatu ekoizkin materialetan prezio baxuak jarriz eta lizentzia berriak finkatuz eduki digitalak guztion esku jarriz? EITBko Gurrutxaga jaunak hitz ederrak aipatu zituen EITBko artxiboa agerian argitaratzeko asmoa dutelako, baina horrek suposatuko duen lizentzia aldaketa ez dugu garbi oraindik, aukerak asko direlako. Lan eratorririk egin ahalko dugu EITBko artxiboko fitxategi digitalekin? Repositorioan utziko dituzten fitxategiak betirako utziko dituzte edo hainbat edukirekin egin bezala, berehala kenduko dituzte ekoizpen propiokoak izanik ere? Deskargatu ahalko dira ala ez? Zalantzak asko dira. Espero dezagun artxiboko edukiak ikusteko edota deskargatzeko pasahitza baliatu behar ez izatea. “Público” egunkariak urraturiko bidetik egingo dute erakunde publikoetan, jakitun egonik “Público” enpresa pribatua dela, eta haiek zerbitzu publikoa eman behar dutela; ala ez dute horrela jokatuko?

Bestalde, TV3ko arduradunak argiro azaldu zuen gizartearen gustuekin batera joango direla gauzak eginez, pionero bezala (TV3ren apostua omen) zein kolono bezala telebista kontserbatzaileek egin ohi duten legez. Segidan, hitz horiei buelta emanez, katalanak argiro azaldu zuenez, herritar gehienek Explorer nabigatzailea erabiltzen badute, haiek hori kontutan hartuko dute, royaltydun edo roayltyrik gabeko codec-a erabiltzea bigarren mailako gauza bailitzan. Erantzunak zer pentsa eman zidan. Erakunde Publikoetako arduradunek ez badiote inportantziarik ematen erabaki horri, zergatik esaten dute behin eta berriz estandarren eta Software Librearen alde daudela. Bide okerra, nik uste. Pionero batek, behintzat, ez zukeen hori egingo.

Hori dela-eta, nik galdera zehatza egin nien eta ez zidaten erantzun. Interneteko ikusentzunezkoen aro berrian, hasiko ote dira estandarrak sustatzen ala ez? Zehatz galdetu nien zer codec erabiliko duten Web-eko bideo proiektu berrietan... erantzun zidan bakarra RTVEko Hedabide Interaktiboetako zuzendaria izan zen: H-264 codeca. Erantzun nion hautu hori royaltien aldeko apostua zela eta beste bi codec libre daudela itxaroten HTML 5 espezifikazioan sartzeko. Hortaz, zuzendari edo arduradun batek libreak diren estandarren alde egiten duela esan dezake, baina gero praktikan royaltipeko sistemak, aplikazioak eta codecak onartzen baditu, akabo. Gainera, EITBko arduradunak nahastu egin zituen codec-en afera (hautuarena), Kode Irekiko bideo-egiletza programekin, soberan baitzegoen esatea Libreak diren programen artean ez dagoela gauza onik. Lerro honetatik galdetu gura diot EITBko arduradunari Lightworks, Cinelerra edo Film Gimp programak horren txarrak badira zergatik erabiltzen dituzten “Centurion” bezalako filmak egiteko, edo zergatik hautatzen duen Kode Irekia Dreamworks enpresak edota zergatik erabiltzen diren zinemagintza enpresetan Linux farm-ak eta clusterrak Hollywoodeko pelikularik arrakastatsuenak egiteko. Oraindik ez al daki zein den teknologia aurreratuena zerbitzarietan eta desktopetan nahiz eta makina birtualak erabili? Enpresa publiko edo pribatu batek Final Cut edo Pinnacle programa itxiak erabiltzen dituenez gero, libreak diren programak txarrak direla esatea zilegi ote da? Zergatik ordaindu behar ditu EITBk horrelako kasuetan royaltyak? Horri hipokresia deitzen zaio, baldin eta gero pertsona horrek Software Librearen alde dagoela esaten badu. Eta Wikileaks-ekin gertatu bezala, pentsa dezaket arduradun askok oraindik ez dakitela zer dagoen jokoan Sarean. Hobe lukete begiratzea Extremaduran, Andaluzian edo Aragoin estandarren aldeko urratsa zergatik egin duten, Hitzak alferrekoak baitira gero praxia kontrakoa baldin bada. Diru publikoa erabiliz Adobe eta Microsoft enpresei ordaindu nahi badiete krisi garaian, norbait egon beharko da mundu honetan gogorarazteko arduradun hauei Kode Irekian royaltyrik ez dela ordaintzen eta bideo eta filme onak egiten direla teknologia libre eta neutroa erabiliz. Hipokresia soberan dago.

Nola egin kroma bat?

Hemen daude eskuragarri kroma bat egiteko jarraitu beharreko pausu guztiak. Power Director progrma da bertan erabiltzen duena.

Ubuntu Tribu

Ubuntu-ren iragarkia da hemen ikusgai jarri dudana. Iragarki aparta izateaz gain, guk egin beharreko gazteluaren bideoa egiteko ideia berriak ematen dizkigu. Ea benetan gauzatzeko gai izaten garen.

Telebistako erreportaiak

Telebistan erreportaia mota ezberdinak aurki ditzakegu beste leku guztietan bezala. Baina gaurko honetan, bi erreportaia mota bereiziko ditugu, bakoitzaren adibide bat ikusiz ezberdintasuna hobeki ulertu ahal izateko. Erreportaia laburra eta erreportaia luzea dira jarraian ikusgai dituzuenak.

Erreportaia luzea

Beheko bideoan ikus dezakezuena erreportaia luze bat da. Bertan, Berria egunkariari buruz hitz egiten du eta horrekin loturik, baita itxi ziguten Euskaldunon Egunkariari buruz ere. Euskaldunok euskaraz genuen egunkari bakarra zen Euskaldunon Egunkaria eta 2003. urtean Audientzia Nazionalak itxi egin zigun. Baina, egunkaria itxi arren isildu ez gintuztenaren adibide argia da Berria egunkaria. Gaur egun euskara hutsean dugun egunkari bakarra.

Erreportaia honek ordubete inguru irauten du eta informazio ugari ematen digu bi egunkari hauen inguruko gertaerei buruz. Bi arrazoi hauengatik esan daiteke erreportaia hau luzea dela. Bestalde, adituen iritziez baliatzen da informazioari sinesgarritasuna eman eta erreportaia eramangarriagoa egiteko. Horrek, bere iraupena luzea izan arren, ikusleari errazago jarraitzen eta atentziorik ez galtzen laguntzen dio. Beraz, erreportaia luzeen baliabideetako bat da adierazpenak sartzearena.

Errportaia laburra

Bi minutu eta 30 segundu inguru irauten duen bideoa da ondorengoa, beraz, erreportaia laburra. ETB- FP edo Formakuntza Profesionalari buruz eginiko erreportaia. Bere iraupena laburra izan arren, erreportaia luze batek erabili ditzaken adina baliabide erabiltzen ditu: adituen iritziak, ikasleenak, inkestaren datuak, etab. Nahiz eta ezin diren konparatu ordubeteko erreportaia batek ematen duen informazio kopurua eta bi minutuan ematen dena, esan daiteke, esan beharrekoa ongi esanda geratzen dela erreportaia laburretan ere; labur eta zehatz egitea sarri luze eta korapilatsu egitea baino eraginkorragoa baita.

TOPATU berria hemen da!!

Aste batzuetan ezkutatuta egon ostean, hemen da berriro Topatu; inoiz baino berriago etorri da gainera. Txoko berriak eztabaidatzeko, zure sormen lanak erakusteko, azken orduko berriak jasotzeko... Denetik aurki dezakezu Topatu.info web orrian.

Gainera, kamiseta berriak ere berekin ekarri ditu Topatuk; hemen duzue ikusgai bere aurkezpeneko spota:

LINUX - Gaurkotasunezko erreportaia

Hemen duzue Txileko TVN kateak Linux softwar libreari buruz eginiko gaurkotasunezko erreportaia. Bertan, argi ikusten da softwar berri hau mundu mailan hartzen ari den indarra bere abantailak direla eta. Bideoa ikusiz hobeto ulertu ahal izango dituzue abantaila hauek. Gaurkotasunezko gai bati buruzko erreportaia laburra degu ondorengoa. Bertan, adibide moduan Linux-en iragarki baten zatia txertatzen dute; hau hobeto ulertzeko azpian jarri dizuet iragarkia osorik.

Linux-en iragarkia osorik

RSS guneak

Hona hemen RSS Guneen tutoriala:

RSS infojarioak informazio iturri bezala

View more presentations from palazioberri.

Perurenaren lezioa

Iñaki Perurenak lezioa ederra eman dio elkarrizketzaileari eta eman digu guri bideo honen bidez. Zerbait ez dakizunean isilik geratzeak duen balioa eta bere herria maite duen pertsona baten "jakinduria" erakutsi dizkigu. "Jakinduria" komatxo artean jarri dut, bideoan Perurenak dion bezala, ezin zaiolako jakintsua deitu bere herria maite eta haren historia ezagutzen saiatzen denari.

Ea elkarrizketatzaile honek zerbait ikasi duen hurrengorako!

SEASONS

Dokumental honen edukiari dagokionez ezer ulertu ez arren, irudiekin asko esaten duela iruditu zait. Plano ikusgarriak, erritmo bizia ongi datorrenean, motela behar denean eta etengabeko musikaren laguntza. Nire ezagutza murritzetik, irudi aldetik izugarrizko aberastasuna duen dokumentala dela esatera ausartzen naiz.

Lehenik eta behin, planoei erreparatuz, bideo hau grabatzeak izango zituen zailtasunak etorri zaizkit burura. Abiadura horri jarraitu eta aldi berean horrenbeste plano aldaketa egiteak ezin du erraza izan. Izugarrizko jarraikortasuna dute irudiek eta horrek errealismo puntu handia ematen dio dokumentalari. Bereziki, xehetasun planoek eman didate atentzioa; esaterako, bizikletaren gurpila putzu batetik pasatzen ikusteak. Bestalde, plano orokorrak ere ikusgarriak dira, paisaia ere halakoa izaki. Plano horiek egiteko puntu estrategikoak hautatzen lan bikaina egina du norbaitek.

Aurrez aipatu dugu bideoaren erritmo bizia bere ezaugarri nagusi gisa. Baina nik beste modu batez ezaugarrituko nuke, erritmoz aldatzeko duen erraztasunaz alegia. Gainera, musikak izugarri laguntzen dio lan honetan. Erabat bizi den erritmo batetik, lasaiagoa den egoera batera eramaten gaitu musika aldatuz; bizikletaren irudietatik adierazpenetara salto egitean gertatzen da hau bereziki.

Hona hemen dokumentalaren trailerra:

Mikel Aiestaran EHUn

Mikel Aiestaran kazetaria izan da Euskal Herriko Unibertsitatean hitzaldi bat ematen. Bertan, bera berri emaile berezia izaki, lan horren nondik norakoak eta bere esperientzia propioak kontatu dizkie bertaratu direnei.

Multimedia lana egiteko baliabideak

Nik, bideo bidez entzun eta ikusi ahal izan dut hitzaldia eta oso interesgarria iruditu zait. Bereziki, bere lan egiteko moduak eman dit atentzioa, hau da, bera bakarrik egoteak, kamera aurrean duela. Beti uste izan dut, izugarrizko lan taldeak joaten direla gerra erreportaiak egin eta gerren berri ematera. Are gehiago, telebistan berri emailea ikustean, ez dut zalantzan jartzen bere aurrean ikusten ez dugun kamera eta hura maneiatzen duen pertsona egongo direla. Beraz, uste nuena baino are zailagoa da berri emaile berezien lana.

Beraz, Aiestaranen baliabideak bere multimedia lana egiteko esan liteke nahiko mugatuak direla, kontuan hartuz, berak bakarrik eraman behar dituela guztiak. Hala ere, egungo teknologia berri eta neurri txikian gauza handiak eramateko dagoen aukerari esker, behar duen guztia eramaten duela dio Mikel Aiestaranek.

Ez naiz aditua teknologia kontuetan, beraz, zenbait termino ulertu gabe geratu naiz eta ez dakit ziur zer ziren. Baina, gainontzean uste dut nahiko oinarrizko gauzekin egiten duela bere lana kazetari honek eta hortan ematen diot meritua. Berak esan bezala, bere lanaren funtsa informazioa igortzeko azkartasunean baitago eta ez plano edo argazki baten kalitate eta edertasunean. Biak batuz gero asko hobeto, baina lehenbizikoa azkartsuna da.

Bere lana eta edukiak

Aiestaranek, bere buruari gerra osteko kazetaria deitu dio eta ez gerra kazetaria. Berak, gerrak txikituta utzi dituen lurraldeen berri ematen du gehienbat; Irak, Iran, Pakistan eta Afganistan dira bere helmuga nagusiak. Pixkanaka albo batera geratzen ari diren herrialdeak, jendeari ahazten ari zaizkionak. Mikelek, hauen berri eman eta bertako herrialitatea zabaltzen du.

Gai honen harira, adibide gisa jarri ditu bere zenbait erreportaia, haurren egoeraren inguru erreportaiak; non, ospitalean dauden haurren egoera kaskarra eta baliabide urrutisuna ikus zitekeen. Honek, entzuleengan sortu du neuri ere burura etorri zaidan galdera bera: erreportaia horiek ez ote dira oso sentsazionalistak? Mikelek baietz erantzun du, baina aldi berean errealitatearen isla ere badirela eta ezin direla ezkutatu.


Hitzaldi guztia orokortasunean hartu eta ondorio bat ateratzekotan, abentura bat da Mikelen lana eta hori bere egutegian islatzen da; ez daki datozen bi hilabeteetan zer egingo duen, non egongo den eta zergatik. Beraz, erakargarria bai, baina aldi berean oso zaila izan behar du berri emaile berezi edo free lance izateak.

Hau guztiaz gain, beste hainbat gai ere ukitu ditu Mikel Aiestarnek hitzaldiak iraun dituen ordu eta 22 minutuetan; bisatuak, herrialdeetan dagoen kontrola, difusio moduak, azkartasunaren beharra lan honetan, etab. Beraz, gehiago jakin nahi duenak behean jarriko dudan loturan ikus dezake bideoa.

www.palazio.org

Hemen uzten dizuet Mikel Aiestaranen erreportaien adibide gisa eginiko bideo bat:

Gizon arruntaren koplak - Xabier Lete

Ikusi eta eman zure botoa azaroaren 8tik aurrera!!

Hugo Chavezi BBC kateak eginiko elkarrizketa

Bideo honetan BBC kateak Hugo Chavez, Venezuelako presidenteari, eginiko elkarrizketa ageri da.

Minbizia duten haurrak

Ez dizugu eman dezakezuna baino gehiago eskatzen...

Venezuelako Enbaxadorea EHUn

Julian Isaias Rodriguez

        Atzo, urriak 21, Venezuelako enbaxadorea, Julian Isaias Rodriguez, Euskal Herriko Unibertsitatean izan zen hitzaldi bat ematen; zehazki Leioako kanpusean. Hitzordua, eguerdiko 12etan zen, zientzia eta teknologien fakultateko paraninfoan. Jendea ordua baino lehen hasi zen bertara hurbiltzen eta 12ak jo zutenerako aretoa beteta zegoen; guztiak enbaxadorearen hitzak entzuteko zain, papera eta boligrafoa esku artean zituztela.

Honela, Euskal Herriko Unibertsitateko bi ordezkarik euren interbentzioa egin eta enbaxadorea aurkeztu ostean, azken honek hartu zuen hitza, “La otra historia de la independencia” deituriko hitzaldiari hasiera emateko.

Hitzaldi guztian zehar azpimarratu zuena esanaz hasi zuen hitzaldia; bera, independentziaren benetako historia kontatzera zetorrela eta ez bertsio ofizialek zabaldu dutena. Historia, garaileek idatzia izaki, beti garaitua zapaldu eta honen izena zikintzeko baliatzen baita. Beraz, Amerikaren benetako historia kontatu zuen atzo Julian Isaias Rodriguezek, eta horren barruan Venezuelari zegokion zatia.

Europarentzat Amerika lurralde ezezaguna zen aurkitu zuenean eta bertan bere intereseko hainbat mineral baliotsu, lur asko eta hau lantzeko eskulan merkea aurkitu zituen. Beraz, inorenak ez balira bezela hartu zituen lurrok berarentzat; enbaxadorearen hitzetan “tierras de nadie”. Honela, esklabutza ekarri zuen Amerikara; lehenik bertako indigenekin saiatu zen baina haiek ihes egin zietenez, Afrikatik jendea ekartzen hasi zen; honela, esklabotza kolore beltzarekin lotuz. Honekin bat etorri zen feudalismoa Amerikara, eta nola ez, Venezuelara.

Egoera horri orain dela 200 urte eman zitzaion buelta independentzia aldarrikatuz; baina enbaxadorearen hitzetan “Europarengandik independizatu ginen, baina Europako erara”. Orduz geroztik ari dira hori apurtu eta euren herrialdea euren erara antolatu nahian.

Ildo honi jarraika luze jo zuen hitzaldiak eta amaieran izan zen publikoaren galderentzako tartea ere; zenbaitek ondo aprobetxatu zutena.

Amaitzeko, hitzaldi guztia bi hitzetan laburtzekotan, enbaxadoreak etengabe ahotan izan zituetan bi hitzak aipatu behar dira, “progreso y resistencia”, hau da, garapena eta erresistentzia. Amerikaren independentziaren benetako historiari izenburua jartzekotan horra hor bi hitzak.

Tony Blair-i botatako zapatak

BBC-ren bideoa



RT-ren bideoa



Bi bideo hauek behin baino gehiagotan ikusi ostean, geroz eta nabarmenagoa da batetik bestera dagoen aldea eta kontatzen dutena. Adibide argi bat dugu, ikusteko gertaera bera nola kontatu eta ulertu liteken bi modu erabat ezberdinetan.

BBC-ren bideoa askoz leunagoa da; plano suabeagoak erabiltzen ditu eta irudiekin baino gehiago kontatzen du hitzekin. Horrek, beti ere, indarra kentzen die gertaerei. Gainera, zapatarik ez agertzeak are gehiago indargabetzen du informazioa, azken finean, zapata da funtsezko elementua gertaera honetan.

RT-k berriz, aurkakoa egin du; hitzak kendu eta irudiekin azaldu du dena; bai behintzat bera azaldu nahi zuena. Askoz irudi eta plano gogorragoak erabiltzen ditu eta zapatari izugarrizko garrantzia ematen dio, segundo batzuetako plano oso bat emanaz. Gainera, eraikinaren barruko irudiak emateak, are gehiago kokatzen gaitu gertaeran.

Azkenik, bi bideoek kontatzen digutenaren artean beste ezberdintasun bat dago: poliziaren jokaerari buruz ematen duten irudia. BBC-ren bideoan, polizia defenditzen soilik ikus dezakegu, manifestariei eusten, azken hauek kontrolaezinak balira bezala. RT-k berriz, aurkako irudia ematen du eta poliziak etengabe manifestariak jotzen eta hauei aurka egiten agertzen dira.

TXITXIMORE

Ikusi, sentitu, bizi morea
feminismoa da bidea!

PROMETEUS - Teknologia berrien iraultza

Bideo Honen arabera teknologia berriak izugarrizko abiadan doaz aurrera, edo hobeki esanda, daramatzagu. Pertsonak baikara gure nahieretara erabiltzen ditugunak eta beste metodo tradizionalei bizkarra emanaz teknologia berriak hautatzen ditugunak. Esan liteke, gure kasuan, sarri ez dugula hautatzerik izan, teknologia berrien iraultza horrek bete betean harrapatu baikaitu. Hala ere, hautaketa horren adibide gisa jarriko nuke, ea gutako zenbatek irakurtzen duten egunkaria paperezko edizioan eta zenbatek edizio digitalean; hori, zenbatek irakurtzen duten eta zenbatek ez bereizketa egiteak beldurra ematen didalako.

XIX. mende amaieran hasiriko iraultza bere puntu gorenera heltzeko zorian dagoela dio bideoak; egungo bizitzaren eremu guztiak biltzen dituela internetek, sareak. Are gehiago, bizitza bera ere biltzen du, Second Life-a da horren adibide garbiena. Norbaitek nahi badu, sarean bizi liteke, bertan egin lagunak, bertan jolastu, bertan lan egin, bertan erosi bizitza errealean ezinezko zaion autoa, etab. Hala ere, oraindik pertsonak pertsona izaten jarraitzen du eta internetek ezin dio jan eta edatekorik eman. Beraz, ahal den eta neurri txikienean bada ere, ez zaio mundu errealean bizitzea beste erremediorik geratzen.

2015. urtea jartzen du erabateko garaipenaren urte gisa; telebista, irrati eta paperezko egunkariak desagertuko diren urtea, guztia interneten egongo baita. Pertsona bera izango da ekoizle eta kontsumitzailea eta denok izango omen dugu gure hondar alea bertan uzteko aukera. Hala ere, nik badut beldur bat, orain arteko arlo horiek guztiak eremu soil batean biltzeak, jabe bakar bat izatera eramango baititu, ideologia bakar bat eta nagusi bakar bat, dena kontrolatuko duena; eta gure hondar ale horiek ere bere iragazkitik pasako dira.

Honenbestez, bideoak dioenarekin nahiko ados nagoela azpimarratu nahi nuke. Nahiz eta ez dakidan ziur data horietan gertatuko den eta nola gertatuko den, sareari ez zaio asko falta guztiaren jabe izateko. Gainera, ematen duenez, soru zutenean "sare" izena jarri ziotenerako helburua finkatuta zuten eta abiada honetan lortu egingo dute gu sarean harrapatzea.

Bideoa ikusteko: www.youtube.com